El concett de Lombardia Granda che l è adree a spantegà el movement ommonem el toca sostanzialment tutt el Nord d Itaia, el che l à ona fisionommia che la defferenzia da el rest d i territorri taiann.
El Nord Itaia l è ona resgion oeuroppee caratterizzada da ona geografia subcontinentala (mia peninsolera), da on climat submediterranee temperaa (manch d el territorri ligur), da ona conformazion alpino-padanna la che el mett a metaa tra Mediterranee e l Oeuroppa zentrala; d on punt de vardà etnegh i Settentrionai inn fioeui de la fameia indoeuroppee italo-zeltega cont d influenz mediterranee e germanegh; lenghistegament inn part d el brasc ossidental d i lengh rommanz de l Ovest, a defferenza d el rest d Itaia che l è rommanz oriental; culturalment el se troeuva in quell anell de giont tra Oeuroppa d el Mezzdì e Oeuroppa d el Zenter, in su el che l è fada la nosta istessa storria, in transizion tra rommanitaa e zelto-germanizitaa.
Tutt quest el toca drittament anca la sfera biologega (ind el sens antropollogegh e genetegh) d i volegerment ciamaa “padann”, i che fisicament presenten on aspett soven mitteloeuroppee (ghe tegni a prezisà che el voeur mia di nezzessariament germanegh) e genetegament i se distanzien da l Itaia d el Zenter e da l Itaia d el Sud grazzie a la proeupria masgiora ereditaa mesolitega, indoeuroppe e nordega. L ariss de vess ciar che tutt quest chi l è dii senza insinoazion razzist.
Per el faa che parlà d i “padann, d i Zisalpitt o d i taiann settentrionai el voeurariss di perd de viduda el genoin aspett etnegh che la ghe toca drittament, numm preferissom parlà d i Granlombard, e defaa indicom coma Lombardia Granda tucca l Itaia de Mezzanocc.
El poeudariss parì forzaa ciamà (gran)lombard d i territorri marsginai, però viduu che anca lor inn part d el continuum alpino-padanegh, italo-zeltegh (che el voeur di pròto-zeltegh/zelto-ligur, venetegh, italegh, gallegh) e gallorommanz zisalpin, quist chi poeuden mia vess traa foeura da el descoruu; me referissi a Liguria, Rommagna, lagunn venett, Venezia Sgiulia, che a la fin inn d i sit poeugh o mia interessaa da la dominazion langobarda.
Ghe sarissen poeu ambett coma quell valdostan, tiroles meridional, e isontino-istrian che inn foeura da el genoin descoruu granlombard, viduu che inn poppolaa da menoranz forestee; tuttavia anca quist resgion chi inn part d el spazzi geografegh taiann (donca settentrional) e storregament primma de la vegnuda d i menoranz scitaa, la poppolazion la seva zisalpinna e rommanizzada.
I limett de quest areall granlombard el che el poeudariss vess partasgiaa ind vunn brasc ossidental e vunn oriental, domaa i Alp a mezzanocc, i Alp e el fiuv Var a ossident, l Appennin Tosco-Emiian (renforzaa da el limett lenghistegh Massa-Senigallia), el fiuv Misa a mezzdì, i Alp, el torrent Fiumaria e el Quarnarolo a orient.
A part la Lombardia etnega inn part de la Lombardia Granda: el Nizzard, Liguria/Zenesaa, Luniziana, Emiia orientala, Rommagna, Ager Gallicus, Venet, Trentin, Tiroll d el mezzdì, Friul/Cjargne, Venezia Sgiulia storrega (idest quell che incoeu l è el Gorizian, el Litoral, Cars, part de la Carniola interna, Istria, Fiume).
On daa cultural interessant l è quell rappresentaa da la considerevola presenza in su el territorri d i medievai cros lombard, idest quella de San Giorg (guelfa) e quella de San Gioann Battista (ghibellinna), dovraa coma bannee comunai; la prinzipala l è la primma, simbol d el commun de Milan e de la Liga Lombarda e anca de Zena e de la soa antega repubblega, ma meritevola de vess armarcada, bannee militee d el Sacher Romman Imperiom el che l à inglobaa el Ream d Itaia medieval postlangobard (el Zenter-Nord), idest simbol de la soa capitala Pavia, capitala langobarda. Per scitaa i prinzipai zenter granlombard che gh ann quist bannee chi regoeurdom: Milan, Bolagna, Zena e poo Pòrto Morizio, Ivreia, Alba, Noeuvv, Aicch, Lissandria, Versei, Vares, Lecch, Mantova, Res de Lombardia, Padoa, Remin (Cros de San Giorg); Pavia, Susa, Osta, el Mondovì, Coni, Ast, Novara, Lugan, Domm, Comm, Bormi, Borgh San Donen, Visenza, Treviso, Castelfranch, Ceneda, Forlì.
El bannee d el scud crosaa, a part i coloo, l è a bon cunt spantegaa fess ind la Pianura Padanna. Important però l è el cromatism bianch-ross, tipicament alpino-padan, contramettuu a el sgiald-ross mediterranee de orisgin rommanna. El Bisson iscambi l è de bon on bannee de la Lombardia etnega, el simbol pussee orisginal d el Poppol lombard.
La part prinzipala de la nosta azion movimentistega, l è ciarament la Lombardia etnega ma coma el se capiss da el nost istess nomm, voeurom spantegà la propaganda anca a l areall granlombard slargaa individuaa, perchè anca lu l è part de la Lombardia seconda el sò concett storregh slargaa. El nost obbiettiv prinzipal l è defaa quell de defend, promoeuv e spantegà el rettagg etnego-cultural e ambiental che el rend vunegh i nost terr, a el fin de fass d i grand defensoo de tucc i caratteristegh pussee important de l identitaa e de la Tradizion granlombard. L esist mia la vunega fameia, d i retorregh fradei d Itaia da i Alp a la Sizillia e inscii gh emm el dritt e el dovè de otoaffermass e de battess per la salvazion d el Sangh, d el Soeu, e d el Spirett d i Lombardii, anca per da finalment ona dimension etnonazionala a l Itaia e a l Oeuroppa.
Ritegnom che el descoruu purament amministrativ l è inscii secondari e che la Lombardia Granda la se poeudariss anca vess partasgiada in duu brasc, vunn granlombard ossidental (zelto-ligur e gallo-italegh) e vunn granlombard oriental (reto-venetegh cont influenz mittel). A bon cunt la nosta distinzion canonega la resta quella tra Lombardia etnega e Lombardia Granda, ind el nomm de quell (pan)Lombardesem che l è la prinzipala reson d esistenza de la nosta assozziazion.
In fin l è inscii che partasgiaremm l areall etnego-cultural granlombard, cont el dovrà l istess metod cantonal dovraa per la Lombardia etnega:
Lombardia subalpinna (in sgiald):
- Turin, con Ivreia, Pinaroeu, Susa e Osta.
- Coni, con Arba, el Mondoví e Saluzz.
- Lissandria, cont Ast e Aich.
Lombardia zispadanna (in ross)
- Parma, Fidenza, Fiorenzoeula.
- Mòdna cont Res de Lombardia e Cherp.
- Piasenza cont Voghera e Tortona.
Lombardia transpadanna ossidentala (in azzur):
- Milan, cont Busti, Monscia, Lodd e Pavia.
- Comm, cont Lecch, Lugan e Vares.
- Novara, cont Versei, Biella, Varall e Avgevan.
- Locarn, cont Domm, Intra e Bellinzona.
Lombardia transpadanna orientala (in verd):
- Bressa, cont Rovaa, Desenzan, Darf e Riva.
- Berghem, cont Crema, Cluson e Zogn.
- Cremona, con Mantova, Ghed e Casalmaggioo.
- Sonder, con Tiran e Ciavena.
Liguria (in marron):
- Zena, cont Sanna, Rapall, Aspezia e Massa.
- Nizza cont Sanremo e Imperia.
Rommagna (in naranz):
- Bolagna, cont Iomla, Frara e Cmacch.
- Ravena, cont Zisena e Forlí.
- Remin, cont Pèsre.
Rezia zisalpinna (in bloeu):
- Trent, cont Cavales e Cles.
- Bozen, cont Meran, Bressanon, Brunich e Solaneres.
Venet (in roeusa):
- Venezia, con Ciòsa, Padoa, Treviso e Rovigo.
- Visenza, con Bassan e Schioti.
- Verona, con Bussolengh, Legnagh e Villafranca.
- Bellun, con Piev, Coneian e Castelfranch.
Carnia e Istria (in gris):
- Triest, con Pola e Fiume.
- Goriza, con Aidussina e Tolmin.
- Udin, con Zividaa, Glemone, Cervignan e Tomiezz.
- Pordenon, con Maniagh e Puart.
Coma el se poeud capì da i cartinn emm zercaa de traccià d i confin razionai che poeudarissen combinà l aspett geografegh (che l è mia on opinion) cont quell etnego-lenghistegh e cultural (el che d i voeult l è poeugh ciar), cont el vessess affidà a el primm criteri in dova el ghe seva el busogn de delimetà on territorri cont prezision, e l è el cas d el limett tra la Lombardia etnega e la Lombardia Granda e resgion mia lombard. Idest l è staa faa in sens inclusiv e esclusiv, e defaa el se poeud verificà coma i territorri che incoeu inn amministrativament sota i resgion de Mezzanocc de la Repubblega Taianna, o a bon cunt sota d i punt de vardà storregament taiann, inn restaa de foeura per el faa che inn part d i olter spazzi geografegh.
