El sariss sgiust se i govern Oeuroppee farissen ciar a i lor zitaditt quii che inn i manover politegh in su l immigrazion che lor voeuren adottà.
Finna dess defaa numm emm domaa veduu on segutass squas continov de sbarch de l 2011 a incoeu, sbarch che nissun d i govern interessaa l aa mia savuu comunegà almanch vun voeurè e gnanca vun pian stratesgegh.
L operazion “Mare Nostrum” inogurada ind el vottober 2013 de l govern Letta l è mia, a part el nomm e on deploiment de resors masgioo, nagott de noeuv respett a i mesuu sgiamò mettuu in pee ind i desenn passaa per stagh adree a i rar sbarch in su i cost oeuropee (cont la differenza che a quii temp lí seven immigraa, incoeu inn migrant), primma de l cordi con la Libia de al Qadafi.
A la fin l è on operazion de secoruu ind el mar dervii.
Che fa poeu, idest quan questa sgent chi la saraa ind i nost magn, el resta on incognita, o pura mei on mistee.
Quell che i nost governant ann mia espigaa l è, primm cosa l è el prinzipp che el fa sgiusta l idea de “inglobament” (parolla che mi credi la sariss pussee sgiusta de integrazion), second cosa gh el sariss de fà per mett in pee quest prinzipp.
Defaa mi ghe troeuvi personalment nissun giont logegh in tra el secor ona persona ind el mar dervii e el dezid poeu de integralla ind el tessuu sozial.
Vuna l è ona dezision ommana, l oltra politega (cit. Della Loggia).
Donca l e sgiust demandass perchè la Lombardia, coma tutta l Oeuroppa, la gh ariss el busogn e el obligazion de inglobà desenn de milion de extraoeuropee ind la sò realitaa politega, econommega e soziala.
Consideraa che poeu nagott de tutt quest l è staa dii a l opinion publega, questa chi la resta mia coscent de l proeuppri dritt d opinion e d azion e la speccia ind on canton che on quaivun de tucc i politegant in su la baltresca el dezid de proponn quaicoss per sistemà el problem.
Ind el istess moment, i nost representant se bercamenen in tra i vagh aspettativ d ona poppolazion sgiamò straca d i nost problemm, e che de seguu la poeud mia resg anca quii importaa, e de quii iscambi che voeuren che el status quo el resta l istess.
L è in su la linea de quest diktat chi che la se moeuv la politega d incoeu.
Nissun politegh, per quant progressist e integrazionist, l aa mai proponnuu lavor concrett per fà pussee sostenibel i sbarch (coma el poeudariss vess el fà su de noeuv camp de refusgiaa) perchè cognoeussen l impoppolaritaa de quist dezision chi.
In compens, i esponent de la sedizent dritta liberala se inn mai parnunziaa contra questa migrazion de massa chi, ma se inn limetaa a recognoeuss l esistenza d on problem, senza poeu digh quella che la sariss per lor la soluzion, pura provvisionala o personala.
Per el faa che lor inn ind el mezz, quist duu grupp chi contribuissen ind l istessa manera al segutà de quest paradoss chi.
Mia sossen temp indree la gh è stada ona discussion in su la possibelitaa che on immigraa illegal el poeudeva mia vegh l obligazion de residenza ind el paies in dova gh inn staa ciappaa i march d i did.
Inscii el s è proeuvaa a slargà la responsabelitaa d i fuduu scernii politegh anca a quii paies UE che gh ann mia on problem dirett de sbarch, ma che ind ona quai manera inn ciamaa dent.
Se el prinzipp el poeud anca vess consideraa sgiust, concretament ona mesura in quest sens chi la sariss de iutt coma smorzà on foeugh per poeu pizzà su d i olter.
Ind l istess moment che i partii taian tacchen lit per dà l illusion d on prozess politegh in movement, la Nazion Lombarda la soffega ind el perbenism, e la fà vidè a l Oeuroppa e a quii che voeuren questa migrazion de massa e sora de tutt a lee istessa de poeudess gnanca permett on sgiudizzi.
