Coma vu savev poeugh dí indree el gh è staa on referendum per l independenza de la Scottia: la consultazion l è finida cont ona vittorria d i unionist, che ann uffizialment toccaa on nivell de 55% de vod.
Nepunemanch el faa che el Regn Giontaa l e mia famos coma paladin de la defensa d i dritt d i minoranz etnegh dent de luu (Irlandes, Scott e Galles), questa voeulta chi l aa deziduu de dà la possibelitaa de organizà on referendum de independenza.
In teoria, el sariss on bon pont, se tegnom de cunt che quest dritt de otodeterminazion d i poppol chi l à mia daa a i territorri coma la Catalonia in Spagna o a i vari nazion alpin-padan ind la Republega Taiana.
Ind la pratega, gh inn nepunemanch d i dubb in su la trasparenza e la correttezza de quest referendum chi.
El par defaa tropp stramb che el Regn Giontaa, vun d i member pussee attiv de la NATO, l aa daa la possibelitaa de desgionass a ona resgion de importanza geopolitega coma la Scottia.
El se poeud mia desmentegà che ind i eigh territoriai scott ind el Mar de l Nord gh inn sossenn deposet de petroleum e che arent i cost scottes la ghe la HMNB Clyde, l importanta bas militera operativa de la Royal Navy che la tegn, coma olter lavor, i sotamarin nuclee Trident.
On dubbi important l è poeu ligaa a quii che ann vodaa in quest referendum chi: inn staa defaa lassaa vodà i immigraa con zitadinanza de l Union Oeuroppea e de l Commonwealth ma mia a i Scott foeura de cà.
Questa chi la par de bon ona scernida a vantasg de l no, viduu che i immigraa gh ann tutt l interess per fa inscii che la Scottia la resta part de l Union Oeuroppea e de l Commonwealth e che i Scott foeura de cà pareven assee favorevol a l independenza.
L idea che la vegn inscii a formass l è che London l aa conscevolment permettuu quest referendum chi cont el fin de fà vidè a l mond de quant per lor l è important el rispett d i dritt fondamentai ma ind el istess temp cont el savè de vegh poeu a la fin on resultaa inscii de fà restà la Scottia sota el Regn de Elisabetta II.
La fort revegnuda d i indipendentist ind i enchett appena primma de l referendum l aa faa nepunemanch perd tutt quest vess seguu chi a Downing Street inscii de forzà el premier Cameron a fà tornaindree e a firmà on “contratt” cont i olter partii ingles per dà pussee podè e otonomia a la Scottia se i Scott arissen scernii el “better together”.
Lavor che ind ona manera vaga la regoeurda i 80 euro che el Renzi l aa impromettuu a i elezion Oeuroppee de quest magg chi e che ann garantii a luu grand consenz elettoral.
El faa che d i poeur impromettuu de masgioo retorn de danee ghe la fann a manipolà in questa manera chi i mass el dis che l è anmo nezessari fà capì a la poppolazion che el se poeud mia vend l identitaa, ma anca la qualitaa de la vida, per effimee vantasg economegh de brev period.
Per quest motiv chi, numm de Granda Lombardia emm semper puntaa innanz de tutt in su la renassuda e l affrancament de l sentiment nazional Lombard, putost che a l independentisem tout-court.
Savemm ben che l economia l è importanta, ma l otodeterminazion di poppoll la gh aa mia de fondass domaa e esclusivament in su quist fattoo chi e tegnì poeu foeura i question etnegh, storregh, culturai e soziai.
Defaa a che la servariss ona “Resgion Lombardia” (la gh aa mia de vess confonduda con la Lombardia etnega!) independent, ma coma semper s-ciava de l atlantisem, abitada de sgent che la se sent mia taiana domaa perchè la oeudia i inefizienz de la republega taiana (e mia perchè de etnia, cultura, lenga, storria defferenta) e sorapoppolada per colpa d i immigraa?
Quest chi el voeur mia dí che voeurom restà sota la Republega Taiana, ma che el battasg d otodeterminazion d i nazion senza staa el gh aa mia de limetass a la rezeduda de l referendum per l independenza.
E chi el se poeud mia pensà a l ingenovitaa de zert corent independentist ind el pensà che i immigraa poeuden mochelà de vodà i partii unionist d i staa giopitt mondialist, che fann de tutt per dagh lor cà poppollee, asgevolazion, sussidi cont dagn a i indisgen, per sostegní el battasg independentist.
Tornom indree a l referendum Scott, nepunemanch el faa che on quai video che l è adree a girà in su l internet el faa vidè in manera putost ciara che inn staa faa d i artefizzi ind el cunt d i vod, la granda differenza (10%) in tra el sí e el no el dis che sossenn Scott ann deziduu istess de vodà per tegnì el status quo.
El gh è poeu de armarca che ind i enchett poeu el vod i indipendentist inn la netta part masgiora (pussee de l 60%) in tra i pussee sgiovin e vegnen manch finna a vess ona piscinina minoranza (zirca el 30%) ind i settoo pussee vegg de la poppolazion.
Questa ciappada de conscenza chi d i pussee sgiovin la ghe lassa inscii cont ona forta speranza: i sgiovin varden mia a mer retorn economegh de l present, ma tacchen a pensà a l lor fuduu ind el longh termen.
L otodeterminazion d i poppol l è domaa question de temp.
