Nepunemanch el faa che in total la se defferenza mia sossen da i olter lengh rommanz, a nivel de sintassis, idest in d i moeud cont i che i paroll inn mettuu insemma per formulà preposizion e cont i che quist ultemm inn collegaa per formà period, el lombard l a a bon cunt develuppaa d i sò caratteristegh che el fann particolee.
Per quel che el revarda el posizionament Soggett-Verb-Oggett, el va dii che se viden mia defferenz grand: esattament coma in franzes, taian e spagnoeu tucc i variant d el lombard dovren generalment la tipologia Soggett-Verb-Oggett ( milanes: mia pacci ona pomma), cont la vunega eccezion de la tipologia Soggett-Oggett-Verb( milanes: “mi la toeui”) quan che l è dovraa on pronomm direttament o indirettament a el sit d el oggett.
Descoruu defferent el va iscambi faa in su olter punt coma la negazion. La primma granda defferenza la che se nòta respett a i olter lengh neolatinn, tra che el taian, l è defaa dada da la posizion de la negazion: se in d la maggior part d i lengh rommanz la negazion l è restada primma d el verb coma in d el latin (taian: “non mi piace”), in lombard la negazion l è iscambi poeu el verb o l ausiliee (milanes: “sont minga andaa”, turines: “i l’hai nen mangià”, bergamasch: “adess lavore mia”, mòdnes: “a-n sun mia boun”). Semper per quel che el revarda la negazion el va poeu regoeurdà che la poeud mia vess dovrada la combinazion d ona negazion cont on pronomm negativ (taian: “non c’è niente”, milanes: “gh è nagott”), oltra caratteristica present in d i lengh germanegh.
Particolee element distintiv respett a i olter lengh rommanz, ma spantegaa anca in d i olter lengh gallorommanz zisalpinn (idest venet, romagnoeu e furlan), l è el dovrasg d el pronomm personal rafforzativ, cognoeussuu anca coma pronomm clitegh ( milanes: “lee la dis”, turines: “mi i son”, bergamasch: “noter a’m va”, mòdnes: “me a son andèe”). La fòrma e la presenza de quist pronomm chi cambien fess da ona variant a l oltra: se in d el lombard zentral inn obbligatorri domaa per la seconda e la terza personna singolera, in d el lombard oriental inn obbligatorri anca per la primma e la terza plurala( serven defaa a defferenzà i vos verbai cont l istessa coniugazion), quan che in d el lombard occidental e in quel meridional inn obbligatorri per tucc i personn. E poeu la va giontada anca ona particolerità interessanta in su i pronomm clitegh idest che in d i fras interrogativ d i dialett, el soggett clitegh el se moeuv poeu el verb cont el formà inscii on tipp de suffiss ( bergamasch: “se dighel?”).
On oltra caratteristica tipega d el lombard l è el dovrasg spantegaa d el pronomm “che” in situazion d el tutt inusuai per el toscan. Lu l è defaa dovraa per raffòrzà i espression ( milanes: “chi che el dis”) e anca per esprim el second termen de paragon d i preposizion comparativ (milanes: “quest liber l’è mei che quel”) e anca per sopportà d i proposizion affermativ e interrogativ (milanes: “quan che voo via”). In d i variant d el lombard inn poeu spantegaa fess i verb seguii da ona preposizion oppura da on avverbi el che en modifega el significaa. Per esempi in milanes el verb “trà” el poeud vegnì “trà via”, “trà in pee”, “trà insemma”, “trà su”, “trà giò”, “trà foeura”. Per el faa che l è present in d i lengh germanegh coma el toder e l ingles( l è assee pensà a i zeleber “phrasal verbs” ingles!), anca quest chi l è on olter fenommen lenghistegh che emm segurament ereditaa da i nòster Vegg germanegh. Nepunemanch el faa che l è mia spantegada in tucc i dialett, on oltra peculiarità d el lombard l è infin el dovrasg de l articol determinativ ligaa a i nomm proeuppi de personna( “la Giulia”, “el Carl”), oltra caratteristica de possibel orisgin germanega, consideraa che l è present anca in d el lengasg corrent d el toder.
La presenza in d i variant d el lombard d i fenomenn sintattegh tipegh d i lengh germanegh, coma la scitada sossen voeult negazion poeu d el verb, la conferma coma la germanizzazion de la nòsta terra l è stada determinanta in d el develupp d i nòster lengh.
Se voeurom per ignoranza, oppura per interess, d i taianist d el Vottzent in odòr de massonneria ann purtropp minemizzaa l eredità germanega lombarda cont l esaltà iscambi in manera granda fess l ovvia eredità rommanna. In quest l à daa el sò contribuu el fascism, inscì come anmò primma el Manzon istess cont la soa descrizion a color fòsch de l epopea langobarda in Itaia. On idea de orisgin risorgimentala de seguu assurda, viduu che i Langobard inn staa a el punt de giontà l intrega Itaia sota ona vunega corona.
Ma naturalment i problemm fignissen mia chi. Come se el sariss mia assee l esasperazion de la latinità l à defaa mennaa i movement identitari che s inn develuppaa a partì da i agn Sessanta e Vottanta d el secol passaa a contramettei on esaltazion estema (e cont onestà da paiasc) d i nòster radis zeltegh cont el sbassà anmò chi el varè de la component germanega de la nòstra identità. D el rest l è mia on mister che i varii legh settentrionai ann finì per sposà ona retòrica noeuva guelfa (o partigianna) germanòfobba.
E l è proeuppi questa longa marginalizzazion che l eredità germanega l à subii che la ghe sping a remarcà el sò roll in d el contest lombard.
Voeurom defaa regoeurdà che l eredità gotta e langobarda, insemma a quella zelto-ligura la rappresenta vunn d i duu fattoo d el vess giontaa etnegh d i Lombard.
Naturalment el voeurè de remarcà la nòstra eredità germanega el voeur mia dì marginalizzà o sbassà la nòstra identità zeltega, e anca manch rennegà la nòstra fondamentala eredità culturala latinna. Diversament faremm l istessa falla de chi che el gh è staa primma de numm.
